Rossiya Mudofaa vazirligi faoliyati kelgusi yillarda uchta omilni hisobga olgan holda tayyorgarlik koʻradi. Bu haqda RBC.ru sayti maʼlum qilgan.

Birinchi omil Ukrainadagi jangovar harakatlar, ikkinchi omil yaqin oʻn yillikda NATO bilan boʻlishi mumkin boʻlgan urushga tayyorgarlik, hamda uchinchi omil texnologiyalarni rivojlantirish. Bu haqda Rossiya Mudofaa vaziri Andrey Belousov aytib oʻtdi.

«Rossiya oʻrta muddatli istiqbolda har qanday vaziyatning rivojlanishiga tayyor boʻlishi kerak. Bunga Yevropada yaqin oʻn yillikda NATO bilan boʻlishi mumkin boʻlgan harbiy mojaroni ham qoʻshish mumkin.

Shu yilning iyul oyida boʻlib oʻtgan Shimoliy Atlantika alyansi sammitida qabul qilingan qarorlar shunday oʻylashga majbur qilmoqda», — dedi Andrey Belousov.

Xavotirlar Kiyevning NATOga kirishga intilishi bilan ham bogʻliq. Moskva bunga qarshi va Ukrainaning alyansga aʼzolikdan voz kechishini mojaroni hal qilishi mumkin deb hisoblaydi.

Rossiya Tashqi ishlar vazirligining maʼlum qilishicha, Kiyevning ittifoqqa qoʻshilishi ortidan ittifoqning ham Rossiyaga qarshi jangovar harakatlarda bevosita ishtirok etishiga olib keladi, bu esa yaqin kelajakda Rossiya hamda NATO oʻrtasida harbiy mojaro boʻlishiga ishora qilmoqda.