Россия Мудофаа вазирлиги фаолияти келгуси йилларда учта омилни ҳисобга олган ҳолда тайёргарлик кўради. Бу ҳақда РБC.ру сайти маълум қилган.

Биринчи омил Украинадаги жанговар ҳаракатлар, иккинчи омил яқин ўн йилликда НАТО билан бўлиши мумкин бўлган урушга тайёргарлик, ҳамда учинчи омил технологияларни ривожлантириш. Бу ҳақда Россия Мудофаа вазири Андрей Белоусов айтиб ўтди.

«Россия ўрта муддатли истиқболда ҳар қандай вазиятнинг ривожланишига тайёр бўлиши керак. Бунга Европада яқин ўн йилликда НАТО билан бўлиши мумкин бўлган ҳарбий можарони ҳам қўшиш мумкин.

Шу йилнинг июль ойида бўлиб ўтган Шимолий Атлантика альянси саммитида қабул қилинган қарорлар шундай ўйлашга мажбур қилмоқда», — деди Андрей Белоусов.

Хавотирлар Киевнинг НАТОга киришга интилиши билан ҳам боғлиқ. Москва бунга қарши ва Украинанинг альянсга аъзоликдан воз кечишини можарони ҳал қилиши мумкин деб ҳисоблайди.

Россия Ташқи ишлар вазирлигининг маълум қилишича, Киевнинг иттифоққа қўшилиши ортидан иттифоқнинг ҳам Россияга қарши жанговар ҳаракатларда бевосита иштирок этишига олиб келади, бу эса яқин келажакда Россия ҳамда НАТО ўртасида ҳарбий можаро бўлишига ишора қилмоқда.