Ostonada “eski doʻstlar” uchrashuvi va SHHTda yangi mehmon

Rossiya prezidenti Vladimir Putin va Xitoy rahbari Si Szinpin Shanxay Hamkorlik Tashkilotining yigʻilishlarini olqishladi.

Qozogʻistonning Ostona sharida boʻlib oʻtgan sammitda soʻzga chiqqan ikki yetakchi tashkilotning Markaziy Osiyo davlatlari, shuningdek, Hindiston, Eron va yangi aʼzolikka qabul qilingan Belarusni eʼtirof etishdi.

“SHHT adolatli koʻp qutbli dunyo tartibining asosiy ustunlaridan biri sifatida oʻz rolini kuchaytirmoqda. Biroq bu hamkorlik hech kimga qarshi emas, biz hech qanday blok yoki ittifoq yaratmayapmiz, faqat xalqlarimiz manfaatlarini koʻzlab ish qilyapmiz”, — dedi Rossiya rahbari. Uning qoʻshimcha qilishicha, Rossiya va Xitoy har tomonlama sheriklik va strategik hamkorlikning eng yaxshi davrini boshdan kechirmoqda.

Oʻz navbatida, Xitoy raisi xalqaro vaziyat va tashqi muhit haqida gapirib, kelajak avlod ham doʻstlik rishtalarini davom ettirish kerakligini aytib, Si Szinpin Vladimir Putinni “eski doʻst” deb atagan.

Bu yetakchilar umumiy hisobda 40-martaga yaqin uchrashgan. Ayniqsa, bu kabi aloqalar Kremlning Ukrainaga bostirib kirishidan keyin kuchaydi. Shu sababli Gʻarb sanksiyalariga uchrayotgan Rossiya yakkalanib qolmayotganini koʻrsatishga harakat qilmoqda.

Putin sammit chogʻida Saudiya Arabistoni va Misr bilan birga sammitda kuzatuvchi davlatlar qatorida boʻlgan Turkiya prezidenti Rejep Tayyip Erdogʻan bilan ham uchrashdi. Turkiya Moskva bilan yaqin savdo va moliyaviy aloqalarga ega NATO aʼzosi boʻlib, oʻzini Rossiya — Ukraina urushida vositachi sifatida koʻrsatib keladi.

Turkiya prezidenti Putinga Turkiya Rossiya va Ukraina oʻrtasida davom etayotgan urushni avval oʻt ochishni toʻxtatish, keyin esa tinchlik yoʻli bilan tugatish uchun konsensusga asos yaratish mumkinligini aytgan. Kreml matbuotining aytishicha, Erdogʻan Rossiya — Ukraina mojarosida vositachi boʻla olmaydi.

Tashkilotga yangi aʼzo boʻlgan Belarus rahbarining aytishicha, SHHT tashkil topganidan beri aʼzo davlatlarning koʻpgina manfaatlari bir-biriga zid boʻlib qolmoqda. Moskva va Pekin Markaziy Osiyo davlatlariga taʼsir oʻtkazish uchun raqobatlashgan.

Mintaqa oʻtgan yillar davomidagi Rossiya taʼsiriga qaramay Pekinning yirik iqtisodiy va savdo loyihalarining, jumladan, “Bir makon, bir yoʻl” infratuzilmasi loyihasining kaliti boʻlib qolmoqda.

Falastinni qoʻllagan senatorning vazifasidan chetlatilishi Avstraliyada norozilik keltirib chiqardi

Falastin tarafdorlari Avstraliyaning Kanberradagi parlament tomiga chiqib, “Daryodan dengizgacha Falastin ozod boʻladi” kabi shiorlar yozilgan bannerlarni osib qoʻydi.

Bu namoyish bosh vazir Entoni Albaniz hukumatidagi ichki mojarolar ortidan sodir boʻlganini taʼkidlagan. Maʼlum boʻlishicha, u yaqinda musulmon senatorni Falastin davlatini tan olish uchun ovoz bergani uchun lavozimidan chetlatgan edi.

Namoyishchilar bir necha bannerlarni, jumladan, “Oʻgʻirlangan yerlarda tinchlik yoʻq” yozuvini koʻrsatib, bir soatcha tomda turishdi.

Namoyishchilardan biri Isroil hukumatini Amerika Qoʻshma Shtatlari koʻmagida Gʻazoda urush jinoyatlarini sodir etganlikda ayblab, Avstraliya hukumatini unga sheriklikda tanqid qildi.

Ukrainaga qurol kerak

AQSH Mudofaa vazirligi Ukrainaning havo hujumidan himoya tizimi uchun moliyaviy koʻmakni 2,2 milliard AQSH dollarigacha oshirishni eʼlon qildi. Ushbu “yordam paketi” Kiyevda mavjud boʻlgan “Patriot” va NASAMS tizimlari uchun raketalarni oʻz ichiga oladi.

“Newsweek” nashriga koʻra, Vashington “Patriot” tizimlarini rivojlantirish boʻyicha ijobiy qarashlarga ega. Shu bilan bir qatorda, Pentagon PDA (AQSH prezidentiga favqulodda vaziyatlarda Kongress ruxsatisiz AQSH aksiyalaridan mudofaa buyumlari va xizmatlarini xorijiy davlatlar yoki xalqaro tashkilotlarga oʻtkazishga ruxsat beruvchi tashkilot — tahrir) orqali 150 million dollarlik “yordam paket”ini ham joʻnatadi.

Bu Mudofaa vazirligiga Ukrainani toʻgʻridan-toʻgʻri AQSH zaxiralaridan taʼminlash imkonini beradi. PDA toʻplami havo mudofaasi, artilleriya va tankka qarshi qurollarni oʻz ichiga oladi.

AQSH Mudofaa vaziri Lloyd Ostin mamlakatning Ukrainani soʻzsiz qoʻllab-quvvatlashini taʼkidladi. Uning taʼkidlashicha, AQSH 50 ittifoqchi va hamkori bilan Ukrainaga Rossiya agressiyasiga qarshi turishda muhim imkoniyatlarni taqdim etishda davom etadi.

Hozirda Ukrainada ikkita “Patriot” raketaga qarshi mudofaa tizimi mavjud, ulardan biri AQSHdan, ikkinchisi Germaniya va Gollandiya tomonidan taqdim etilgan. Vladimir Zelenskiyga koʻra, Kiyevga yana kamida yettita “Patriot” yoki shunga oʻxshash havo hujumidan mudofaa tizimi zarur.