Illyustrativ foto

Qozogʻistonda 2022-yilning 21-oktyabr kuni soat 18:00da mamlakat prezidentligiga nomzodlarni roʻyxatga olish yakunlandi.

Bu vaqtga kelib Markaziy saylov komissiyasi olti nafar prezidentlikka nomzodni roʻyxatga oldi:

Qosim-Jomart Toqayev — amaldagi davlat rahbari.

Nurlan Auesbayev — muxolifatdagi Milliy sotsial-demokratik partiya (MSDP) vakili.

Meyram Kajiken — “Amanat” kasaba uyushmalari respublika assotsiatsiyasi tomonidan koʻrsatilgan nomzod.

Jiguli Dayraboyev — “Auыl” Xalq demokratik vatanparvarlik partiyasidan nomzod.

Karakat Abden — “Professional ijtimoiy ishchilar milliy alyansi” Respublika jamoat birlashmasidan nomzod.

Saltanat Tursinbekova — “Qazaq analarы – dәstүrge jol” respublika jamoat birlashmasidan nomzod.

Shuningdek, quyidagi nomzodlarga prezidentlikka nomzodlar uchun qonun hujjatlarida belgilangan talablarga javob bermagani sababli Markaziy saylov komissiyasi saylovda qatnashishga ruxsat bermadi:

Xayrulla Gabjalilov — “Asar” ogʻzaki ijodkorlar jamoat birlashmasi tomonidan koʻrsatilgan nomzod.

Talgat Yergaliyev — Qozogʻiston quruvchilar uyushmasidan nomzod.

Fotima Bizakova — Respublika “Amaliy psixologiya” jamoat birlashmasidan nomzod.

Baxit Janabayev — “Qozogʻiston futbol muxlislari ligasi” jamoat birlashmasidan nomzod.

Nurjan Altayev — “Muqalmas” respublika jamoat birlashmasidan nomzod.

Jumatay Aliyev — “Xalq demografiyasi” nodavlat tashkiloti tomonidan koʻrsatilgan.

“Qozogʻiston Respublikasi Markaziy saylov komissiyasi tomonidan tasdiqlangan, 20-noyabrga belgilangan Qozogʻiston Respublikasi Prezidenti sayloviga tayyorgarlik koʻrish va uni oʻtkazish boʻyicha asosiy tadbirlarning kalendar rejasiga muvofiq, prezidentlikka nomzodlarni roʻyxatga olish 21-oktyabr soat 18:00da yakunlandi”, deydi Markaziy saylov komissiyasi raisi Nurlan Abdirov.