Foto: Халқ сўзи

Buxoro viloyat harbiy-maʼmuriy sektori tashabbusi bilan Qorakoʻl tuman mudofaa ishlari boʻlimining qoʻsh qavatli zamonaviy binosi qurilib foydalanishga topshirildi.

Mazkur boʻlim jamoasi shu kunga qadar taʼmirtalab ahvoldagi, sharoitlari haminqadar boʻlgan binoda faoliyat yuritar edi. Tabiiyki, chaqiriluvchi yoshlar va boʻlimga murojaat bilan keladigan fuqarolar uchun ham shart-sharoitlar yetarli emasdi.

Uch milliard soʻmdan ziyod mablagʻ sarflangan yangi binoda esa imkoniyatlar tamoman oʻzgacha: navbatchilik xonasi, boshqaruv punkti, arxiv, jismoniy va yuridik shaxslar qabulxonasi va boshqa xonalar zamonaviy axborot texnologiyalari, yangi mebellar bilan jihozlangan. Boʻlimning Qurolli Kuchlar safida xizmat qilishga otlangan yoshlarni harbiy sohaga tayyorlash, saralash, ulardagi vatanparvarlik tuygʻularini mustahkamlash kabi vazifalarni ado etishi uchun zarur barcha qulayliklar yaratilgan.

Oʻzbekiston Respublikasi Qurolli Kuchlari tashkil etilganining 30 yilligi va Vatan himoyachilari kuni arafasida mazkur binoni foydalanishga topshirish marosimi tantanaga aylandi.

Istam IBROHIMOV, “Xalq soʻzi”.