Para yengil atletika: hamyurtlarimiz Gran-Prida 6 ta medal qoʻlga kiritishdi

11:09 01 Iyul 2022 Sport
570 0

Para yengil atletika boʻyicha Tunis mezbonlik qilgan xalqaro Gran-Prining soʻnggi kuni ham vakillarimiz uchun muvaffaqiyatli kechdi.

Jumladan, erkaklar oʻrtasida F37 klassida yadro uloqtirish bahslarida ikki nafar hamyurtimiz — Muhammad Rixsimov hamda Qudratullo Maʼrufxoʻjayev sovrindorlar safidan joy oldi.

Rixsimov 13,86 metr natija bilan kumush medalga ega chiqqan boʻlsa, 12,87 metr natija qayd etgan Maʼrufxoʻjayev bronza medaliga sazovor boʻldi. Ayollar oʻrtasida F13/46 klassida nayza uloqtirish bahslarida esa Shaxinaxon Yigitaliyeva 32,20 metr natija bilan 3-oʻrinni band etdi va terma jamoamiz hisobiga bronza medalini yozdirib qoʻydi.

Shu tariqa para yengil atletika terma jamoamiz Tunis Gran-Prisini 4 ta kumush va 2 ta bronza, jami 6 ta medal bilan yakunladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?