Пара енгил атлетика: ҳамюртларимиз Гран-Прида 6 та медаль қўлга киритишди

11:09 01 Июль 2022 Спорт
599 0

Фото: Спортни ривожлантириш вазирлиги

Пара енгил атлетика бўйича Тунис мезбонлик қилган халқаро Гран-Прининг сўнгги куни ҳам вакилларимиз учун муваффақиятли кечди.

Жумладан, эркаклар ўртасида Ф37 классида ядро улоқтириш баҳсларида икки нафар ҳамюртимиз — Муҳаммад Рихсимов ҳамда Қудратулло Маъруфхўжаев совриндорлар сафидан жой олди.

Рихсимов 13,86 метр натижа билан кумуш медалга эга чиққан бўлса, 12,87 метр натижа қайд этган Маъруфхўжаев бронза медалига сазовор бўлди. Аёллар ўртасида Ф13/46 классида найза улоқтириш баҳсларида эса Шахинахон Йигиталиева 32,20 метр натижа билан 3-ўринни банд этди ва терма жамоамиз ҳисобига бронза медалини ёздириб қўйди.

Шу тариқа пара енгил атлетика терма жамоамиз Тунис Гран-Присини 4 та кумуш ва 2 та бронза, жами 6 та медаль билан якунлади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?