Oʻzbekiston va Turkiya yosh futbolchilarni tayyorlash boʻyicha hamkorlik qiladi
Oʻzbekiston bosh konsuli Sherzod Abdunazarov Turkiya Futbol federatsiyasi prezidenti Mexmet Buyukekshi bilan muzokara oʻtkazdi.
Muloqot chogʻida Turkiya Futbol federatsiyalari va Oʻzbekiston Futbol assotsiatsiyasi oʻrtasidagi aloqalarni yanada jadallashtirish istiqbollari muhokama qilindi.
Mexmet Buyukekshi Turkiyaning Antaliya, Izmir shaharlarida oʻtkaziladigan xalqaro musobaqalarda oʻzbek jamoalarining ishtirok etishi foydadan xoli boʻlmasligini qayd etdi. Uning aytishicha, ushbu turnirlarga jahonga mashhur futbol klublarining seleksionerlari keladi va ular eng iqtidorli futbolchilar bilan shartnoma tuzadi.
Tomonlar, shuningdek, yosh futbolchilarni tayyorlash, turli yoshdagi terma jamoalar oʻrtasida oʻrtoqlik uchrashuvlarini tashkil etish, tajriba almashish va murabbiylar malakasini oshirish boʻyicha qoʻshma kurslarni uyushtirish toʻgʻrisida kelishib oldilar.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Oʻzbekiston pasporti xalqaro indeksda past natija qayd etdi
- Markaziy bank shoshilinch ogohlantirish bilan chiqdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring