2022-yil 31-oktyabr kuni A.I. Gersen nomidagi Rossiya davlat pedagogika universitetining Toshkentdagi filialiga Rossiya Federatsiyasi taʼlim vaziri tashrif buyurdi.

Tashrif davomida Rossiya Federatsiyasi taʼlim vaziri Sergey Sergeevich Kravsov, Oʻzbekiston xalq taʼlim vaziri Baxtiyor Odilovich Saidov hamda Maktabgacha taʼlim vaziri Agrippina Vasilevna Shin universitet rahbariyati hamda talabalari bilan uchrashishdi.

Uchrashuvda A.I. Gersen nomidagi Rossiya davlat pedagogika universitetida Oʻzbekiston madaniyatiga bagʻishlangan yoʻnalish ochilishi alohida taʼkidlandi.

«Biz Sankt-Peterburgdagi Gersen universitetida Oʻzbekiston madaniyati va anʼanalari boʻyicha yoʻnalish ochishga kelishib oldik. Bundan maqsad, yoshlarimizga, talabalarimizga Oʻzbekiston madaniyati va tarixi haqida koʻproq maʼlumotga ega boʻlishdir», — deydi Kravsov.

Uchrashuv jarayonida tomonlar oʻrtasida yaqin hamkorlikni yanada rivojlantirish boʻyicha rejalar kelishib olindi. Jumladan, 2023-yil boshida Sankt-Peterburgda oʻqituvchilar taʼlimiga bagʻishlangan forum oʻtkazilishi shular sirasiga kiradi.