Oʻzbekiston suv toshqinlaridan jabr koʻrgan Qirgʻiziston aholisiga insonparvarlik yordami yubordi
Foto: “Dunyo”
Joriy yilning 28-iyun kuni Oʻsh va Botken viloyatlarida kuchli yomgʻir yogʻishi sababli, sel-suv toshqinlari yuzaga keldi. Ushbu tabiiy ofat natijasida 10 dan ortiq odamlar, jumladan yosh bolalar vafot etdi hamda koʻplab aholi punktlari zarar koʻrdi, 1300 dan ortiq aholi esa doimiy yashash joyidan koʻchirildi.
Shu munosabat bilan Oʻzbekiston kuchli sel-suv toshqinlaridan jabr koʻrgan Qirgʻiziston xalqiga insonparvarlik yordami yubordi. Bu haqda “Dunyo” AA xabar berdi.
Bildirilishicha, Botken viloyatidagi “Qizil-Qiya” chegara nazorat oʻtish punktida Oʻzbekiston favqulodda vaziyatlar vazirining birinchi oʻrinbosari Sanjar Zuparov, mamlakatimizning Qirgʻizistondagi bosh konsuli Zafarbek Ahmedov va qoʻshni davlat rasmiylari ishtirokida insonparvarlik yordamini topshirish marosimi boʻlib oʻtgan.
Aytilishicha, insonparvarlik yordami hodisadan eng koʻp zarar koʻrgan Nookat tumani hokimligiga topshirilgan.
“Qirgʻiziston tomoni insonparvarlik yordami uchun minnatdorlik bildirdi”, deyiladi xabarda.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Oʻzbekiston pasporti xalqaro indeksda past natija qayd etdi
- Markaziy bank shoshilinch ogohlantirish bilan chiqdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring