Oʻzbek multfilmlari xalqaro festivalda mukofotlandi

10:55 01 Noyabr 2021 Madaniyat
744 0

“Xalqaro animatsiya kuni” munosabati bilan Qozogʻiston Respublikasi Turkiston shahrida 29-30-oktabr kunlari “AMEN — 2021» ( International Animation Film Festival) anʼanaviy xalqaro animatsion filmlar festivali boʻlib oʻtdi. Unda 49 ta davlat ishtirok etdi.

Mazkur festivalda rejissyor Aziz Muhammedovning “Gʻildirakli uy” animatsiyasi festivalning “Gran pri” bosh sovrini bilan, “Sehrli tanbur” animatsiyasi “Eng yaxshi badiiy yechim” nominatsiyasi boʻyicha mukofotlandi. Bu haqda Kinematografiya agentligi Axborot xizmati maʼlum qildi.

Maʼlumot uchun, festival 2019-yildan buyon oʻtkaziladi. Unda animatsion filmlar namoyishlari bilan birga, davra suhbatlari, ijodiy uchrashuvlar, mahorat darslari va ijodiy tanlovlar boʻlib oʻtadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?