«Oʻtkan kunlar» ingliz tilida nashr qilindi

17:43 29 Aprel 2021 Madaniyat
606 0

2019-yilda millatparvar yozuvchi Abdulla Qodiriyning «Oʻtkan kunlar» romani amerikalik sharqshunos Mark Eduard Riz tarjimasida, ingliz tilida “Bygone days” nomi bilan kitob holida chop qilindi.

2019-yilning 27-dekabr kuni Oʻzbekistonning Vashingtondagi elchixonasida, joriy yilning 27-aprel kuni esa yurtimizda, Toshkent shahridagi Adiblar xiyobonida — Abdulla Qodiriy haykali yonida kitobning taqdimoti boʻlib oʻtdi.

Mark Riz Abdulla Qodiriyning «Oʻtkan kunlar» romanini oʻzbek tilidan inglizchaga toʻliq oʻgirgan dastlabki tarjimon hisoblanadi. Tarjima uchun romanning 1926-yil bosilgan ilk va qisqartirilmagan nashri tanlangan. Tarjima ishlari 2004-yilda boshlanib, 2019-yilda yakunlangan.

Maʼlumot oʻrnida aytish joiz, oʻzbek adabiyoti tarjimoni Mark Edvard Riz madaniy hamkorlikni rivojlantirishdagi hissasi uchun 2020-yilda Oʻzbekiston Respublikasining “Doʻstlik” ordeni bilan mukofotlangan.

“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?