Bugun, 25-fevral kuni, Ispaniyaning Sevilya shahrida professional boks kechasi tashkil etiladi. Ushbu musobaqa “Centro Deportivo San Pablo” sport majmuasida oʻtkazilib, bir qator mashhur bokschilar ringga chiqadi.

Mazkur turnir oʻzbekistonlik muxlislar uchun ham ahamiyatli, chunki roʻyxatdan Abdumalik Xalokov ishtirokidagi jang ham oʻrin olgan. “Parij-2024” Olimpiadasi chempioni hisoblangan bokschimiz professional ringdagi ikkinchi jangida venesuelalik Marlembron Akunyaga qarshi jang qiladi. Mazkur bahs 6 raund etib belgilangan. Bokschilar kecha rasmiy tarozidan oʻtish marosimida qatnashib, belgilangan vazn meʼyoriga mos kelgandi.

Akunya professional boksda 25 ta jang oʻtkazgan, shundan 13 ta gʻalaba, 11 ta magʻlubiyat va 1 ta durang qayd etgan. Abdumalik Xalokov esa prof boksdagi ilk jangida, 2023-yilning 17-noyabr kuni Toshkentda ukrainalik Oleksandr Yegorovga qarshi ringga chiqqan va ikkinchi raundda nokaut evaziga gʻalaba qozongandi.

Bugungi jang Xalokov uchun professional boksda oʻzini yana bir bor namoyon qilish imkoniyati boʻladi. Oʻzbekistonlik muxlislar bokschimizdan yana bir yirik gʻalabani kutishmoqda.