Бугун, 27 февраль куни, Испаниянинг Севилья шаҳрида профессионал бокс кечаси ташкил этилади. Ушбу мусобақа «Centro Deportivo San Pablo» спорт мажмуасида ўтказилиб, бир қатор машҳур боксчилар рингга чиқади.

Мазкур турнир ўзбекистонлик мухлислар учун ҳам аҳамиятли, чунки рўйхатдан Абдумалик Халоков иштирокидаги жанг ҳам ўрин олган. «Париж-2024» Олимпиадаси чемпиони ҳисобланган боксчимиз профессионал рингдаги иккинчи жангида венесуэлалик Марлемброн Акуньяга қарши жанг қилади. Мазкур баҳс 6 раунд этиб белгиланган. Боксчилар кеча расмий тарозидан ўтиш маросимида қатнашиб, белгиланган вазн меъёрига мос келганди.

Акунья профессионал боксда 25 та жанг ўтказган, шундан 13 та ғалаба, 11 та мағлубият ва 1 та дуранг қайд этган. Абдумалик Халоков эса проф боксдаги илк жангида, 2023 йилнинг 17 ноябрь куни Тошкентда украиналик Олександр Егоровга қарши рингга чиққан ва иккинчи раундда нокаут эвазига ғалаба қозонганди.

Бугунги жанг Халоков учун профессионал боксда ўзини яна бир бор намоён қилиш имконияти бўлади. Ўзбекистонлик мухлислар боксчимиздан яна бир йирик ғалабани кутишмоқда.