Foto: Yunus Boʻriyev/“Xalq soʻzi”

Oliy Majlis Senatida “El-yurt umidi” jamgʻarmasining joriy yilgi birinchi ochiq stipendiya tanlovida muvaffaqiyat qozongan yoshlar bilan uchrashuv boʻlib oʻtdi.

​

​

​

Mazkur uchrashuvda senatorlar gʻolib yoshlarni tabriklab, ularning bilim olish, xorijiy tillarni puxta egallash, yangi gʻoya va tashabbuslarni ilgari surish yoʻlidagi intilishlari mamlakatimiz kelajagi uchun muhim ahamiyatga ega ekanini taʼkidladi.

​

​

​

​

Bildirilishicha, Oʻzbekistonda 30 yoshgacha boʻlgan yoshlar soni 19 milliondan ortiqni tashkil etib, ular umumiy aholining qariyb 60 foizini qamrab olgan. Har yili mehnat bozoriga 600 mingdan ziyod yigit-qizlar kirib kelmoqda. Shu bois yoshlarni qoʻllab-quvvatlash strategik ahamiyat kasb etadi. Bu yoʻnalishda ularning huquq va manfaatlarini taʼminlashga qaratilgan 100 dan ziyod qonun va qonunosti hujjatlari qabul qilingani taʼkidlandi.

​

​

​

​

Shuningdek, uchrashuv davomida yoshlarning taʼlim olishi, bandligini taʼminlash, tadbirkorlik va startap loyihalarini qoʻllab-quvvatlash, zamonaviy bilim va kasblarni egallashlari uchun yaratilgan imkoniyatlar hamda “El-yurt umidi” jamgʻarmasi orqali xorijda taʼlim olish jarayonlari haqida maʼlumotlar berildi.

​

​

​

​