Novak Jokovich Avstraliyada hibsda saqlanmoqda. U mamlakatdan deportatsiya qilindi

16:06 06 Yanvar 2022 Sport
605 0

Foto: «Championat.com»

Dunyoning birinchi raqamli tennischisi Novak Jokovich Melburnga kelganida Avstraliyaga kirish vizasi bekor qilindi.

Chegara qoʻshinlari u kirish qoidalariga rioya etgani va deportatsiya qilinishini bildirgan.

Xabarga koʻra, Jokovich mamlakatdan chiqib ketgunga qadar Melburn chekkasidagi Karltonda joylashgan immigratsiya hibsxonasida saqlanadi. Mahalliy OAV maʼlumotlariga koʻra, ushbu muassasa hukumat hibsxonasi hisoblanadi.

Bu tutqunlik sportchining Covid-19 vaksinasini qabul qilishdan ozod etilgani sabab yuzaga kelgani aytilmoqda.

Jokovichning emlanganlik statusi hozircha nomaʼlum, biroq u oʻtgan yili emlashga qarshi ekanligini bildirgandi.

Avstraliya chegara kuchlari oʻz bayonotida, Jokovich Avstraliyaga kirish talablariga javob beradigan tegishli dalillarni taqdim eta olmagani va shuning uchun uning vizasi bekor qilinganini eʼlon qildi.

“Kirish vaqtida amaldagi vizaga ega boʻlmagan yoki vizasi bekor qilingan fuqaroligi boʻlmagan shaxslar hibsga olinadi va Avstraliyadan deportatsiya qilinadi”, deyiladi bayonotda.

Avstraliya bosh vaziri Skott Morrison Jokovichni alohida eʼtirof etilishini rad etdi va hech kim mamlakat qoidalaridan ustun emasligini taʼkidladi.

Mahalliy xabarlarga koʻra, Jokovich turnirga qayta kirishi va oʻynashi uchun sudga murojaat qilishi yoki yangi viza olishi talab etiladi.

Tennis yulduziga nisbatan koʻrsatilayotgan bunday munosabat uning vatani Serbiyada norozilik uygʻotdi.

Serbiya Prezidenti Aleksandr Vuchich yulduz nooʻrin taʼqiblar qurboni boʻlganini va butun Serbiya uni qoʻllab-quvvatlashini aytdi.

Avvalroq, koʻplab avstraliyaliklar hukumatni oddiy odamlar kasallikdan qiynalayotgan bir paytda, boy va mashhurlarga istalgan ishni qilishlariga ruxsat berganlikda ayblagan edi.

17-yanvar kuni Melburnda Avstraliya ochiq chempionati boshlanadi. Jokovich hozirga qadar toʻqqiz marta turnir gʻolibi boʻlgan. Voqealar rivoji tennischining joriy yilgi chempionatda ishtirok etolmasligini koʻrsatmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?