Фото: «Championat.com»

Дунёнинг биринчи рақамли теннисчиси Новак Жокович Мелбурнга келганида Австралияга кириш визаси бекор қилинди.

Чегара қўшинлари у кириш қоидаларига риоя этгани ва депортация қилинишини билдирган.

Хабарга кўра, Жокович мамлакатдан чиқиб кетгунга қадар Мелбурн чеккасидаги Карлтонда жойлашган иммиграция ҳибсхонасида сақланади. Маҳаллий ОАВ маълумотларига кўра, ушбу муассаса ҳукумат ҳибсхонаси ҳисобланади.

Бу тутқунлик спортчининг Covid-19 вакцинасини қабул қилишдан озод этилгани сабаб юзага келгани айтилмоқда.

Жоковичнинг эмланганлик статуси ҳозирча номаълум, бироқ у ўтган йили эмлашга қарши эканлигини билдирганди.

Австралия чегара кучлари ўз баёнотида, Жокович Австралияга кириш талабларига жавоб берадиган тегишли далилларни тақдим эта олмагани ва шунинг учун унинг визаси бекор қилинганини эълон қилди.

"Кириш вақтида амалдаги визага эга бўлмаган ёки визаси бекор қилинган фуқаролиги бўлмаган шахслар ҳибсга олинади ва Австралиядан депортация қилинади", дейилади баёнотда.

Австралия бош вазири Скотт Моррисон Жоковични алоҳида эътироф этилишини рад этди ва ҳеч ким мамлакат қоидаларидан устун эмаслигини таъкидлади.

Маҳаллий хабарларга кўра, Жокович турнирга қайта кириши ва ўйнаши учун судга мурожаат қилиши ёки янги виза олиши талаб этилади.

Теннис юлдузига нисбатан кўрсатилаётган бундай муносабат унинг ватани Сербияда норозилик уйғотди.

Сербия Президенти Александр Вучич юлдуз ноўрин таъқиблар қурбони бўлганини ва бутун Сербия уни қўллаб-қувватлашини айтди.

Аввалроқ, кўплаб австралияликлар ҳукуматни оддий одамлар касалликдан қийналаётган бир пайтда, бой ва машҳурларга исталган ишни қилишларига рухсат берганликда айблаган эди.

17 январь куни Мелбурнда Австралия очиқ чемпионати бошланади. Жокович ҳозирга қадар тўққиз марта турнир ғолиби бўлган. Воқеалар ривожи теннисчининг жорий йилги чемпионатда иштирок этолмаслигини кўрсатмоқда.