Hamyurtimiz Nodirbek Abdusattorov va jahonning eng kuchli shaxmatchilaridan Magnus Karlsen bitta jamoada oʻynagan turnirda gʻolib chiqishdi. Ular “WR Chess” jamoasi safida dona surishdi va finalda Hindistonning “MGD1” jamoasini magʻlub etib, blis boʻyicha jahon chempionatida gʻolib chiqishdi. Bu haqda FIDE rasmiy sayti maʼlum qilgan.

Qozogʻistonning Ostona shahrida boʻlib oʻtgan musobaqada dunyoning eng kuchli 40 ta jamoasi ishtirok etdi. Ushbu blis musobaqasining sovrin jamgʻarmasi 100 ming yevroni tashkil qildi.

“WR Chess” guruh bosqichida AQSHlik Hans Niyemann boshchiligidagi “GMHans.com” kabi kuchli jamoalarni magʻlub etdi. Finalda “WR Chess” “MGD1” bilan birinchi turda 3.5 ga 2.5, ikkinchi turda esa 3:3 hisobidagi durangga imzo chekishdi. Umumiy hisobda esa Abdusattorov jamoasi gʻalabani qoʻlga kiritdi.

Qayd etish kerakki, “WR Chess Team” tarkibida Oʻzbekistonning birinchi raqamli shaxmatchisi Nodirbek Abdusattorov, jahonning 4 karra shaxmat toji egasi Magnus Karlsen, rossiyalik supergroysmeyster Yan Nepomnyaщiy, polshalik Yan-Kshishtof Duda, xitoylik Xou Ifan, hindistonlik Praggnanandhaa Rameshbabu, olmoniyalik grossmeyster Vinsent Keymer, yosh shaxmatchi Vadim Rozenshteyn va Aleksandra Kosteniuklar bor edi.

Avvalroq, shaxmat olimpiadasi uchun Oʻzbekiston terma jamoasi tarkibi maʼlum boʻlgandi.