Foto: Joinfo

Yangi tadqiqotlarda Marsning oʻtmishdagi iqlimi sovuq va subarktik boʻlganiga aloqador faktlar aniqlandi.

Olimlar Geyl krateri (Marsdagi kraterlardan biri – tahr) tuprogʻidagi amorf materiallarga eʼtibor qaratib, Yer va Marsdagi tuproqlarni solishtirdilar. Bu Marsning atrof-muhit sharoitlari va undagi hayot belgilari haqida yangi tushunchalar beradi.

Ilmiy xulosalar shuni koʻrsatadiki, sovuqqa yaqin sharoitlar bu materiallarni saqlab qolgan boʻlishi mumkin. NASAning “Curiosity Rover” qurilmasi 2011-yildan beri Geyl krateri oʻrganib kelmoqda va “X-nurlari amorf material” deb nomlanuvchi koʻplab tuproq materiallarini tahlil qilmoqda. Ularni anʼanaviy usullardan foydalangan holda oʻrganish qiyin. Chunki bu materiallar takrorlanadigan atom tuzilishiga ega emas.

“Curiosity Rover” ushbu amorf materiallar temir va kremniyga boy, ammo alyuminiy miqdori kamligini aniqladi. Ushbu topilma Marsning tarixiy muhiti va bu materiallar qanday shakllanganligi haqida savollar tugʻdiradi.

Olimlar oʻxshash tuproqli Yerning uchta joyiga, Nyufaundlend (Kanada), Shimoliy Kaliforniya va Gʻarbiy Nevada (AQSH)ga tashrif buyurishdi. Ular Nyufaundlenddagi subarktik sharoit Geyl krateridagi kabi materiallarni aniqladilar.

Avvalroq, nega biz haligacha oʻzga sayyoraliklar bilan uchratmaganimiz haqidagi tadqiqotlar haqida xabar bergan edik.