Bugungi kunda Antaliya farzandlaringiz bilan qiziqarli sayohat va birinchi darajadagi taʼtil uchun Turkiyadagi eng maqbul dam olish maskani hisoblanadi. Shahardagi qulay va rivojlangan infratuzilma hamda Antaliyaning tengsiz qumli va toshli plyajlari “Moviy bayroq” belgisiga ega. Shuni taʼkidlash joizki, shahar doim oʻzining tozaligi va dam oluvchilar uchun yaratilgan qulaylik darajasi bilan mashhur boʻlgan. Bundan tashqari, Antaliya mehmonxonalari qulay va unutilmas oilaviy dam olishni tashkillashtirishga qaratilgan. Asosiysi, bu yerdagi vaqtingiz koʻplab diqqatga sazovor joy, shahar va uning atrofidagi koʻngilochar maskanlardan foydalanish imkoniyati tufayli qiziqarli voqealarga boy boʻladi.

Hech shubha yoʻqki, har bir ota-ona farzandlarining yozgi taʼtili unutilmas lahzalarga boy boʻlishini xohlaydi! Aynan Antaliyada mukammal dam olish haqidagi orzularingizni haqiqatga aylantirishingiz mumkin! Farzandlaringiz va butun oilangiz goʻzal manzara, lazzatli taomlar, eng muhimi, iliq dengiz va uning moʻtadil havosidan bahramand boʻlishlari mumkin boʻladi. Farzandlarimizning har tomonlama rivojlanishi va salomatligi uchun yana nima kerak?

Antaliya noziktaʼb xoʻrandalarning sevimli hududi

Har bir ota-onaga bolaning ovqati sogʻlom va foydali boʻlishi juda muhim. Bu, ayniqsa, yozgi taʼtilni rejalashtirishda dolzarb boʻlib, baʼzida barcha zarur shart-sharoitlarga ega “aynan oʻsha, koʻngildagidek mehmonxona”ni topish qiyin boʻlishi mumkin. Antaliya mehmonxonalari bolalar taomlariga alohida eʼtibor qaratib, mohir oshpazlar tomonidan bolalar uchun keng tanlov va turli taomlarni taqdim etadi! Antaliyadagi barcha restoranlarda bolalar menyusi, qulay va xavfsiz mebellar bilan jihozlangan rangli koʻngilochar maydon, shuningdek, ota-onalar uchun maxsus chaqaloq boʻtqalarini tayyorlash mumkin boʻlgan oshxona burchaklari mavjud.

Antaliya mehmonxonalari – butun oila uchun birinchi darajali qulay maskan

Antaliya mehmonxonalari bolalarning yoshidan qatʼi nazar, har doim ular uchun eng yaxshi oʻyin-kulgi va qulay dam olishni tashkillashtirishni birinchi oʻringa qoʻyadi. Bu yerda har bir bola oʻzi uchun qiziqarli mashgʻulot bilan band boʻladi, turli mahorat darslari, musobaqa, tanlov, oʻyinlar va boshqa koʻplab tadbirlar tashkil qilinadi. Farzandingiz hali chaqaloq boʻlsa, sizning zavqli hordiq chiqarishingiz uchun maxsus oʻqitilgan enagalar unga gʻamxoʻrlik qiladi. 2-4 yoshli bolalar uchun kichik klublarda qiziqarli mashgʻulotlar mavjud. Shu bilan birga, oʻsmirlar uchun dastur futbol akademiyasi va dizayn maktabidagi mashgʻulotlar, amfiteatr sahnasida oʻz aktyorlik mahoratini namoyish etish imkoniyati, animatorlar bilan baydarkada sayohat va sayr qilish yoki doʻstlar bilan kinoteatrda film tomosha qilish imkoniyatini oʻz ichiga oladi.

Antaliya mehmonxonalarida bolalar maroqli hordiq chiqaradilar va doimiy bandliklari taʼminlanadi. Bu esa ota-onalarga ham tinch va osoyishta dam olishlariga zamin yaratib beradi!

Antaliya hayratlanarli attraksionlarga ega hududdir

Antaliya – millionlab aholiga ega rivojlanayotgan zamonaviy shahardir va albatta, bolalar bilan borish mumkin boʻlgan koʻplab joylar mavjud: Okeanarium (Antalya, Akvaryum), Hayvonot bogʻi (Antalya Hayvanat Bahçesi), Turkiya disneylendi (The Land of legends) –Bu haqiqatan ham Turkiyadagi eng katta istirohat bogʻi boʻlib, uning hududida bir nechta dam olish joylari joylashgan: istirohat bogʻi, akvapark, turli oʻlchamdagi maydonchalarga ega jajji bolajonlar oʻyingohi va boshqalar. Qarang, naqadar kyeng qamrov!