Maktablarda birinchi qoʻngʻiroq sadolari yangradi
Yangi oʻquv yilida Andijon viloyatida 628 ming nafardan ziyod oʻquvchiga 42 ming nafar pedagog taʼlim-tarbiya beradi. Shu bilan birga hududdagi 41 ta nodavlat xususiy maktablarda 9,5 ming nafardan ortiq bola taʼlim olmoqda.
— Joriy yilda investitsiya dasturi doirasida olib borilgan qurilish va taʼmirlash ishlari natijasida qoʻshimcha 10,3 ming oʻquvchi oʻrni yaratildi hamda 20 ta maktabning quvvati yaxshilandi, — deydi viloyat hokimligi xodimi Rustamjon Eshonov. — Yozgi taʼtildan soʻng jonajon maktab quchogʻiga qaytgan oʻquvchilar ilm ummonida yuksak marralarni zabt etishga shaylangan boʻlsa, maktab ostonasiga birinchi qadami qoʻygan 67 ming 191 nafar oʻgʻil-qiz ilk bor qoʻliga qalam tutdi. Ularga oʻquv qurollari jamlangan “Prezident sovgʻasi” oʻqituvchilar va oʻquvchilar, ularning ota-onalari, faxriy ustozlar, mahalla faollari ishtirokida tantanali topshirildi.
Bugun Andijon viloyatining 782 ta maktabida birinchi qoʻngʻiroq sadolari yangradi. Shundan soʻng “Mustaqillik darslari” boʻlib oʻtdi.
Saminjon HUSANOV
“Xalq soʻzi”.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Yaldo tuni: Yerliklar bugun eng uzun tun va eng qisqa kunga guvoh boʻladi
- Hokim yordamchisi kimga yordamchi?
- Toshkent shahrida Markaziy Osiyo davlatlari va Koreya Respublikasi parlamentlari rahbarlarining III yigʻilishi oʻz ishini boshladi
- Poytaxtga avtomobillar kirishiga hech qanday taqiq yoʻq — Toshkent shahar hokimligi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring