Мактабларда биринчи қўнғироқ садолари янгради
Янги ўқув йилида Андижон вилоятида 628 минг нафардан зиёд ўқувчига 42 минг нафар педагог таълим-тарбия беради. Шу билан бирга ҳудуддаги 41 та нодавлат хусусий мактабларда 9,5 минг нафардан ортиқ бола таълим олмоқда.
— Жорий йилда инвестиция дастури доирасида олиб борилган қурилиш ва таъмирлаш ишлари натижасида қўшимча 10,3 минг ўқувчи ўрни яратилди ҳамда 20 та мактабнинг қуввати яхшиланди, — дейди вилоят ҳокимлиги ходими Рустамжон Эшонов. — Ёзги таътилдан сўнг жонажон мактаб қучоғига қайтган ўқувчилар илм уммонида юксак марраларни забт этишга шайланган бўлса, мактаб остонасига биринчи қадами қўйган 67 минг 191 нафар ўғил-қиз илк бор қўлига қалам тутди. Уларга ўқув қуроллари жамланган “Президент совғаси” ўқитувчилар ва ўқувчилар, уларнинг ота-оналари, фахрий устозлар, маҳалла фаоллари иштирокида тантанали топширилди.
Бугун Андижон вилоятининг 782 та мактабида биринчи қўнғироқ садолари янгради. Шундан сўнг “Мустақиллик дарслари” бўлиб ўтди.
Саминжон ҲУСАНОВ
«Халқ сўзи».
Тавсия этамиз
Кўп ўқилганлар
- Ўрта Осиёдаги энг баланд янги йил арчаси — Наманганда
- Нилуфардан Қобилжонгача... Қобулжон Россияда этник нафрат туфайли ваҳшийларча ўлдирилган биринчи бола эмас
- Ялдо туни: Ерликлар бугун энг узун тун ва энг қисқа кунга гувоҳ бўлади
- Ҳоким ёрдамчиси кимга ёрдамчи?
- Тошкент шаҳрида Марказий Осиё давлатлари ва Корея Республикаси парламентлари раҳбарларининг III йиғилиши ўз ишини бошлади
- Пойтахтга автомобиллар киришига ҳеч қандай тақиқ йўқ — Тошкент шаҳар ҳокимлиги
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг