Mahalliy davlat hokimiyati organlari sogʻliqni saqlash sohasidagi quyidagi vakolatlarga ega:

— sogʻliqni saqlash sohasida inson huquqlarini himoya qiladi;

— sohadagi qonun hujjatlari bajarilishini taʼminlaydi;

— tizimning boshqaruv organlarini shakllantirishda ishtirok etadi;

— oʻz hududidagi tibbiyot muassasalari faoliyati uchun tegishli binolarni ajratadi, taʼmirlash ishlarini tashkil qiladi;

— birlamchi tibbiy-sanitariya yordamini tashkil etadi, ulardan aholi teng foydalana olishini taʼminlaydi;

— sogʻliqni saqlash xarajatlarini moliyaviy taʼminlashning oʻz manbalarini shakllantiradi;

— sogʻliqni saqlash sohasidagi hududiy dasturlarni tasdiqlaydi hamda amalga oshiradi;

— aholini dori vositalari, tibbiy buyumlar bilan taʼminlashda ishtirok etadi;

— aholi oʻrtasida axborot-tushuntirish ishlarini tashkil etish hamda oʻtkazishda ishtirok etadi;

— fuqarolarning sanitariya-epidemiologiya jihatidan xotirjamligini taʼminlash, profilaktika, sanitariya-gigiyena, epidemiyaga qarshi va tabiatni muhofaza qilish tadbirlarini amalga oshiradi;

— sogʻliqni saqlash tizimi organlari, muassasalari va korxonalari faoliyatini muvofiqlashtiradi hamda nazorat qiladi;

— nogironligi boʻlgan shaxslar va tibbiy-ijtimoiy himoyaga muhtoj shaxslarning salomatligini tiklaydigan muassasalar tashkil etadi va ular faoliyatini taʼminlaydi;

— onalik va bolalikni muhofaza qilish chora-tadbirlarini amalga oshiradi;

— sogʻliqni saqlashning xususiy va boshqa xil tizimlarini rivojlantirishni ragʻbatlantiruvchi sharoitlar yaratadi.

Mahalliy davlat hokimiyati organlari sogʻliqni saqlash sohasidagi qonunchilikka muvofiq yana boshqa vakolatlarni amalga oshirishi ham mumkin.