Маҳаллий давлат ҳокимияти органлари соғлиқни сақлаш соҳасидаги қуйидаги ваколатларга эга:

— соғлиқни сақлаш соҳасида инсон ҳуқуқларини ҳимоя қилади;

— соҳадаги қонун ҳужжатлари бажарилишини таъминлайди;

— тизимнинг бошқарув органларини шакллантиришда иштирок этади;

— ўз ҳудудидаги тиббиёт муассасалари фаолияти учун тегишли биноларни ажратади, таъмирлаш ишларини ташкил қилади;

— бирламчи тиббий-санитария ёрдамини ташкил этади, улардан аҳоли тенг фойдалана олишини таъминлайди;

— соғлиқни сақлаш харажатларини молиявий таъминлашнинг ўз манбаларини шакллантиради;

— соғлиқни сақлаш соҳасидаги ҳудудий дастурларни тасдиқлайди ҳамда амалга оширади;

— аҳолини дори воситалари, тиббий буюмлар билан таъминлашда иштирок этади;

— аҳоли ўртасида ахборот-тушунтириш ишларини ташкил этиш ҳамда ўтказишда иштирок этади;

— фуқароларнинг санитария-эпидемиология жиҳатидан хотиржамлигини таъминлаш, профилактика, санитария-гигиена, эпидемияга қарши ва табиатни муҳофаза қилиш тадбирларини амалга оширади;

— соғлиқни сақлаш тизими органлари, муассасалари ва корхоналари фаолиятини мувофиқлаштиради ҳамда назорат қилади;

— ногиронлиги бўлган шахслар ва тиббий-ижтимоий ҳимояга муҳтож шахсларнинг саломатлигини тиклайдиган муассасалар ташкил этади ва улар фаолиятини таъминлайди;

— оналик ва болаликни муҳофаза қилиш чора-тадбирларини амалга оширади;

— соғлиқни сақлашнинг хусусий ва бошқа хил тизимларини ривожлантиришни рағбатлантирувчи шароитлар яратади.

Маҳаллий давлат ҳокимияти органлари соғлиқни сақлаш соҳасидаги қонунчиликка мувофиқ яна бошқа ваколатларни амалга ошириши ҳам мумкин.