Konservatoriyaning Nukus filialiga rahbar tayinlandi

16:55 29 Iyun 2021 Madaniyat
1512 0

Bu haqda Madaniyat vazirligi matbuot xizmati maʼlum qildi.

"Oʻzbekiston Respublikasi Vazirlar Mahkamasining 2021-yil 5-apreldagi 186-sonli qaroriga muvofiq Oʻzbekiston davlat konservatoriyasining Nukus filiali tashkil etildi.

Bugun Madaniyat vazirining birinchi oʻrinbosari B.Axmedov boshchiligida Oʻzbekiston davlat konservatoriyasida boʻlib oʻtgan yigʻilishda ikkinchi tashkiliy masala koʻrildi. Unga koʻra, hozirda Oʻzbekiston davlat sanʼat va madaniyat institutida faoliyat yuritib kelayotgan dotsent Rudakiy Allanbayev Oʻzbekiston davlat konservatoriyasining Nukus filialiga direktor etib tayinlandi.

Eslatib oʻtamiz, Nukus filialiga yangi oʻquv yiliga qabul jarayonlari Konservatoriya binosida tashkil etilib, 2022-2023 oʻquv yili mashgʻulotlari Nukus filialining oʻz binosida olib boriladi", deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?