“Kinoga bagʻishlangan umr” kitobi taqdimoti boʻlib oʻtdi

10:18 11 Oktyabr 2022 Madaniyat
754 0

Oʻzbekitson Respublikasi Kinematografiya agentligida Oʻzbekiston Kinoarboblari ijodiy uyushmasi tashabbusi bilan Firuza Ahmedxoʻjayevaning “Kinoga bagʻishlangan umr” kitobi taqdimoti boʻlib oʻtdi. 

Kitob taniqli kinorassom, “Ulugʻ vatan urushi II darajali ordeni” sohibi Nizom Nuriddinov va “Doʻstlik” ordeni sohibi, rassom Qahramon Nuriddinovlarning hayoti haqida hikoya qiladi.

Maʼlumot uchun, Nizom Nuriddinov “Alisher Navoiy”, “Fargʻona qizi” filmlarida va “Ravshan va Zulhumor” spektaklida postanovkachi rassom boʻlib ishlagan. “Suyunchi”, “Kelin uzatish”, “Xotira xiyoboni” kabi koʻplab filmlar yaratilishida ishtirok etgan.

Qahramon Nuriddinov “Oltin teri”, “Qor qoʻynida lola”, “Togʻlardagi aks-sado”, “Oq bino oqshomlari”, “Toʻy”, “Layli va Majnun”, “Afandi va Azroil”, “Advokat” (2002, Rossiya), “Umar Hayyom” (2003, Gollivud) kabi 70 ga yaqin filmlarda postanovkachi rassom vazifasida ishlagan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?