Kim Chen In: KXDR va Janubiy Koreya hech qachon yagona davlat boʻlmaydi
Shimoliy Koreya yetakchisi Kim Chen In Janubiy Koreyani AQSHning “mustamlakasi” va doimiy dushman deb atab, ikki davlat birlashishi mumkin emasligini maʼlum qildi. Uning soʻzlarini KXDR Markaziy telegraf agentligi (STAK) keltirdi.
KXDR Oliy xalq majlisining 14-chaqiriq 13-sessiyasida nutq soʻzlagan Kim Chen In qoʻshni mamlakatni “bizning tizim va rejimni yoʻq qilishga tugʻma intiluvchi” davlat sifatida taʼrifladi.
— Milliy manfaatlar nuqtayi nazaridan, siyosatini va mudofaasini xorijiy davlatlarga topshirib qoʻygan mamlakat bilan birlashish niyatimiz yoʻq, — dedi u.
Shimoliy Koreya rahbari tarixda bir-biriga dushman boʻlgan ikki davlatning bunday yoʻl bilan birlashgani boʻlmaganini taʼkidladi.
— Nega biz bunday birlashishga intilishimiz kerak, agar bu jarayonda davlatlardan biri baribir yoʻq boʻlib ketishi aniq boʻlsa? Biz milliy qonunchilikda Koreya va biz — chegaraga ega ikki alohida davlat ekanimizni va hech qachon yagona butunlikka aylanmasligimizni aniq belgilab qoʻyamiz, — dedi Kim Chen In.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
- Xorijiy tillarni oʻrganmoqchi boʻlgan yoshlarga “2+6” dasturiga muvofiq subsidiya ajratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring