Ким Чен Ин: КХДР ва Жанубий Корея ҳеч қачон ягона давлат бўлмайди
Шимолий Корея етакчиси Ким Чен Ин Жанубий Кореяни АҚШнинг «мустамлакаси» ва доимий душман деб атаб, икки давлат бирлашиши мумкин эмаслигини маълум қилди. Унинг сўзларини КХДР Марказий телеграф агентлиги (ЦТАК) келтирди.
КХДР Олий халқ мажлисининг 14-чақириқ 13-сессиясида нутқ сўзлаган Ким Чен Ин қўшни мамлакатни «бизнинг тизим ва режимни йўқ қилишга туғма интилувчи» давлат сифатида таърифлади.
— Миллий манфаатлар нуқтаи назаридан, сиёсатини ва мудофаасини хорижий давлатларга топшириб қўйган мамлакат билан бирлашиш ниятимиз йўқ, — деди у.
Шимолий Корея раҳбари тарихда бир-бирига душман бўлган икки давлатнинг бундай йўл билан бирлашгани бўлмаганини таъкидлади.
— Нега биз бундай бирлашишга интилишимиз керак, агар бу жараёнда давлатлардан бири барибир йўқ бўлиб кетиши аниқ бўлса? Биз миллий қонунчиликда Корея ва биз — чегарага эга икки алоҳида давлат эканимизни ва ҳеч қачон ягона бутунликка айланмаслигимизни аниқ белгилаб қўямиз, — деди Ким Чен Ин.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг