Xorazm va Toshkentda «valyutchik»lar ushlandi
![](https://xs.uz/upload/post/2024/07/10/cb26bda9559a40a9ad16ed56e442646e0710.png)
Foto: Prokuratura departamenti
Toshkent shahar Yashnobod tumani va Xorazmning Qoʻshkoʻpir tumanlarida noqonuniy valyuta ayirboshlash bilan shugʻullanib kelgan shaxslar ushlandi. Bu haqda Bosh prokuratura huzuridagi departament xabar berdi.
Bildirilishicha, holatlardan biri departamentning Yashnobod tuman boʻlimi tomonidan oʻtkazilgan tezkor tadbirda aniqlandi. Unda tumandagi Visol koʻchasida joylashgan xonadonlardan birida valyuta ayirboshlash bilan shugʻullanib kelgan M.X. fuqaro J.X.ga jami 5 150 AQSH dollarini 65 million soʻmga sotgan vaqtida ushlanib, yonidan 90,5 million soʻm ashyoviy dalil sifatida olingan.
Shu kabi, departamentning Qoʻshkoʻpir tuman boʻlimi va viloyat IIB xodimlari hamkorligida oʻtkazilgan tezkor tadbirda valyuta ayirboshlash bilan shugʻullanib kelgan T.R. fuqaro E.Q.ga jami 3 500 AQSH dollarini 43,7 million soʻmga sotgan vaqtida ashyoviy dalillar bilan qoʻlga olingan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring