Foto: AP

Xitoyning Xarbin shahri mahalliy maʼmuriyati COVID-19 testi ijobiy chiqqan har bir fuqaroga 1570 dollardan toʻlashga qaror qildi. Biroq, bu pulni faqat kasallikni yuqtirganini bilib, oʻz xohishi bilan test topshirganlar oladi.

Beijing News xabariga koʻra, bunday chora-tadbirlar koronavirus bilan kasallanganlar sonining past darajada tushgani sababli qabul qilindi. Hozir Xarbinda kuniga oʻnga yaqin virus bilan zararlanish holatlari qayd etilmoqda.

Rasmiylarning fikriga koʻra, odamlar virusni yuqtirganliklari haqida xabar berishdan qoʻrqishadi va ular testdan oʻtishdan qochishadi. Endi ixtiyoriy ravishda test topshirish punktlariga kelganlarda agar infeksiya borligi maʼlum boʻlsa, ularga 1570 dollardan beriladi.

“Agar siz COVID-19 alomatlarini sezsangiz, niqob taqing, eng yaqin shifoxonaga boring va qayerga borganingizni va kim bilan muloqotda boʻlganingizni ayting”, deyiladi shahar sogʻliqni saqlash idorasi bayonotida.

Xarbin Xitoyning eng shimolida joylashgan Xeylunszyan muzofoti poytaxti hisoblanadi va bu yerda qariyb 5,3 million kishi yashaydi.