Foto: Arxiv surat

Xalqaro ogʻir atletika federatsiyasi ham Parij-2024 Olimpiya oʻyinlari uchun ajratilgan kvotalar va ularning taqsimlanish tizimini tasdiqladi. Quyida mazkur dasturga oid eʼtiborli maʼlumot va raqamlarni keltirib oʻtamiz:

Ushbu sport uchun umumiy ajratilgan kvota: 120 (60+60)

Erkaklar vazn toifalari: -61 kg, -73 kg, -89 kg, -102 kg va +102 kg

Ayollar vazn toifalari: -49 kg, -59 kg, -71 kg, -81 kg va +81 kg

Ajratilgan 60 kvota har bir vazn toifalarida teng taqsimlanadi

Har bir mamlakatdan maksimum 6 nafar (3+3) sportchi Parij-2024 Olimpiadasida ishtirok etishi mumkin. Bordiyu qaysidir jamoa 4 yoki undan ortiq yoʻllanmaga ega boʻlsa, majburiy ravishda 3 sportchisini tanlaydi.

Oʻrinlar reyting ochko taqdim qiluvchi musobaqalardagi natijalarga qarab shakllantiriladi. Parij-2024 yoʻllanmasiga ega boʻlish uchun sportchilar kamida 5 ta ana shunday reyting turnirida ishtirok etishlari shart. Ulardan quyidagi 2 tasi majburiy:

2023-yilgi jahon chempionati (2-17-sentyabr, Saudiya Arabistoni);

2024-yilgi Jahon kubogi (2-11-aprel, Tailand)

Shuningdek, quyidagi musobaqalardan kamida 3 tasida ishtirok etgan boʻlishlari talab etiladi.

2022-yilgi jahon chempionati (5-16-dekabr, Kolumbiya);

2023-yilgi Osiyo chempionati (3-13-may, Janubiy Koreya);

2023-yilgi I Gran-pri (2-12-iyun, Kuba);

2023-yilgi II Gran-pri (dekabr, Qatar);

2024-yilgi Osiyo chempionati (5-15-fevral, Oʻzbekiston)

Litsenzion musobaqalardan biriga Toshkent mezbonlik qilishi chempionatning nufuzini yanada koʻtarib beradi. Biroq qitʼamiz terma jamoalariga 2023-yilgi jahon chempionati va Xanchjou-2022 Osiyo oʻyinlarining orasidagi juda qisqa fursat xalaqit berishi koʻplab muhokamalarga sabab boʻlmoqda. 2-17-sentyabr kuni qitʼamiz atletlari Saudiyada dunyo birinchiligida ishtirok etishsa, 27-sentyabr – 4-oktyabr sanalarida ularni Osiyo oʻyinlari doirasidagi bahslar kutib turibdi.