Bosh prokuratura huzuridagi Departamentning Koson tuman boʻlimi tomonidan tuman IIB xodimlari bilan hamkorlikda oʻtkazilgan tezkor tadbirda fuqaro A.Z. noqonuniy daromad orttirish maqsadida Kasbi tumani “Tinchlik” MFY hududida 2 nafar fuqaroga jami 600 dona “Russkaya vodka” nomli isteʼmolga yaroqsiz va qalbaki aksiz markali alkogol mahsulotini sotgan vaqtida ashyoviy dalillar bilan ushlangan.

Shu kabi, Departamentning Yakkabogʻ tuman boʻlimi tomonidan oʻtkazilgan tezkor tadbirda “A. MCHJ rahbari A.A. Qamashi tumani, “Oʻzbekiston” MFY hududida xaridorga jami 320 dona “Russkaya vodka”, “NE VODKA”, “SHAHRISABZ“ va ”SABRANIE“ nomli isteʼmolga yaroqsiz va qalbaki aksiz markali alkogol mahsulotini sotgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda.