Hindistonda yoʻlbars ikki oy ichida kamida 10 kishini oʻldirdi. Hodisa Uttar-Pradesh shtatida Pilibhit yoʻlbarslar qoʻriqxonasi hududida sodir boʻldi, deya xabar beradi 360.

Oxirgi hujum 9-sentyabr kuni sodir boʻlgan. Natijada Bansxera qishlogʻida yashovchi 55 yoshli Kedari Lal vafot etgan.

Tegishli tashkilotlar hayvonni evtanizatsiya qilishga majbur boʻldi. Veterinariya shifokorlari yirtqichning sogʻlom ekanligidan hayratda qolgan. Ammo u tashqi ogohlantirishlarga umuman munosabat bildirmagan.

Yoʻlbars, dastlabki maʼlumotlarga koʻra, petardalarning portlashi tufayli kar boʻlib qolgan. Boisi mahalliy aholi jonivorni pirotexnika bilan qoʻrqitishga harakat qilgan.

Hayvonni qoʻlga olish operatsiyasida ishtirok etgan oʻrmon xodimi Manish Singxga koʻra, u ilk bor kar yoʻlbarsga duch kelgan.

Mutaxassislar yoʻlbarsning agressiyasiga karlik sabab boʻlishi mumkinmi yoki yoʻqligini aniqlashga harakat qilmoqda.