Faqatgina may oyida mamlakatning yangi quyosh fotoelektr stansiyalari quvvati 1040 MVtni tashkil etdi. Shu bilan Germaniyada quyosh fotoelektr stansiyalari quvvati 72,5 GVtga yetdi.

Germaniyaning Federal tarmoq agentligi (Bundesnetzagentur) may oyida 1040 MVt quvvatga ega yangi quyosh fotoelektr stansiyalari tizimlari roʻyxatga olinganligini xabar qildi. Yangi oʻrnatilgan quyosh fotoelektr stansiyalari quvvati 2022-yil may oyida 548 MVtga yetgan boʻlsa, joriy yil aprel oyidan boshlab yangi oʻrnatilgan stansiyalar quvvati 881 MVtni tashkil etgan va bu sezilarli oʻsishni koʻrsatadi.

Joriy yilning dastlabki besh oyida yangi oʻrnatilgan quyosh fotoelektr stansiyalari quvvati 4,97 GVtni tashkil etdi, bu oʻtgan yilning shu davridagiga nisbatan 2,65 GVtga koʻpni tashkil etgan.

May oyining oxiriga kelib, Germaniyaning jami oʻrnatilgan quyosh fotoelektr stansiyalari quvvati 72,5 GVtga yetdi. 2030-yilda quyosh energiyasidan foydalanish boʻyicha 215 GVt quvvatga erishish uchun mamlakat har oy kamida 1,55 GVt yangi quyosh energiyasini qoʻshishi kerak.