Erondan yirik, maydon egalaridan ishonchli gʻalaba
Kecha, 1-sentyabr kuni Tojikiston Respublikasining Hisor shahrida Markaziy Osiyo Futbol Assotsiatsiyasi tomonidan oʻtkazilayotgan “CAFA National Cup” turnirining “B” guruhi 2-tur oʻyinlari boʻlib oʻtdi.
Dastlabki oʻyinda Eron terma jamoasi musobaqaga mehmon sifatida taklif etilgan Hindiston terma jamoasini 3:0 hisobida magʻlub etdi.
Gollarga “Traktor” klubi aʼzosi Amirhusayn Husaynzoda, “Persepolis” yetakchisi Ali Alipur va yaqinda Gretsiyaning “Olimpiakos” klubiga koʻchib oʻtgan Mehdi Taremi mualliflik qildi.
Guruhning ikkinchi oʻyinida esa Tojikiston terma jamoasi Afgʻoniston bilan kuch sinashdi. Oʻyin mezbonlarning 2:0 hisobiga gʻalabasi bilan yakunlandi.
Gollar “Soʻgʻdiyona” va “Navbahor” kabi Oʻzbekiston klublarining sobiq futbolchisi Ehsoni Panjshanbe va “Regar-TadAZ” jamoasi yarim himoyachisi Shervoni Mabatshoyev hisobiga yozildi.
Maʼlumot uchun, “B” guruhida 3-tur oʻyinlari 4-sentyabr kuni tashkil etiladi. Unda Eron terma jamoasi Tojikiston bilan, Hindiston termasi esa Afgʻoniston bilan kuch sinashadi.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring