Foto: Yunus Boʻriyev/“Xalq soʻzi”

Anqara — Turkiya Respublikasining poytaxti, mamlakatning siyosiy, maʼmuriy va madaniy markazi hisoblanib, qadimiy tarix va zamonaviy hayot uygʻunlashgan shahar oʻzining sokin muhiti va oʻziga xos qiyofasi bilan koʻplab sayyohlarning eʼtiborini tortadi.

​

​

​

Ayni vaqtda ushbu mamlakatda boʻlib turgan “Xalq soʻzi” va “Narodnoye slovo” gazetalari tahririyati fotomuxbiri shaharning goʻzal manzaralarini kamera obyektiviga muhrladi.

​

​

Anqara shahri geografik joylashuvi va iqlim sharoitiga koʻra, Turkiyaning boshqa shaharlaridan farq qiladigan oʻziga xos tabiatga ega. Baland tepaliklar ustida joylashgan shahardan keng manzaralar koʻzga tashlanadi.

​

​

Shaharning markaziy qismida joylashgan Qizilay maydoni doimo mahalliy aholi va mehmonlar bilan gavjum. Ushbu hudud poytaxtning eng faol hayot kechayotgan nuqtalaridan biri hisoblanadi.

​

​

Bundan tashqari, Anqaraning eng mashhur tarixiy maskanlaridan biri — Anitkabir majmuasi hisoblanib, ushbu yodgorlik Turkiya Respublikasining asoschisi Mustafo Kamol Otaturk xotirasiga bagʻishlab barpo etilgan.

​

Shahardagi bogʻlar, madaniy maskanlar va zamonaviy inshootlar poytaxt qiyofasini yanada boyitadi. Shahar koʻchalari boʻylab sayr qilgan har bir mehmon Anqaraning sokin, mazmunli hayotini his etadi.

​

​

​

Yunus BOʻRIYEV, Otabek SAIDAHMADOV

“Xalq soʻzi”.