Eron Islom Respublikasi Islomiy Kengash Majlisining raisi Mustaqillik monumenti poyiga gul qoʻydi

20:59 12 Iyul 2022 Siyosat
936 0

Foto: Oliy Majlis Qonunchilik palatasi axborot xizmati

Yurtimizda rasmiy tashrif bilan boʻlib turgan Eron Islom Respublikasi Islomiy Kengash Majlisining raisi M.Qolibof boshchiligidagi delegatsiya aʼzolari Oliy Majlis Qonunchilik palatasi Spikeri N. Ismoilov hamrohligida poytaxtimizdagi Oʻzbekiston Respublikasi Mustaqilligining 30 yilligi munosabati bilan barpo etilgan “Yangi Oʻzbekiston” bogʻiga tashrif buyurdi.

Eron Islom Respublikasi Islomiy Kengash Majlisining raisi “Yangi Oʻzbekiston” bogʻidagi Mustaqillik monumenti poyiga gul qoʻydi.

Mehmonlarga majmuada aks ettirilgan tarixiy voqealarning mazmuni haqida soʻzlab berildi.

Majmuaning gʻoyaviy va meʼmoriy yechimlariga, xususan, betakror yodgorlik yurtimizda yangi Oʻzbekistonni – Uchinchi Renessans poydevorini yaratish gʻoyasi bilan uygʻun holda barpo qilingani, Ulugʻvor Mustaqillik monumenti timsolida tarix, bugungi zamon va kelajak tushunchalarini oʻzaro uygʻun holda namoyon etishga alohida eʼtibor qaratilgani delegatsiya aʼzolarida katta taassurot uygʻotdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?