Endi imtiyozli toifaga kiruvchi shaxslar maʼlumotlarni onlayn tarzda olishlari mumkin

16:53 13 Aprel 2024 Jamiyat
765 0

Yagona interaktiv davlat xizmatlari portalida (my.gov.uz) Davlat tibbiy sugʻurtasi jamgʻarmasi faoliyatiga bogʻliq yangi xizmat ishga tushirildi.

Endilikda imtiyozli toifaga kiruvchi shaxslar oʻzlariga tibbiyot tashkilotlarida koʻrsatilgan tibbiy xizmatlar, dori vositalari va tibbiy buyumlar uchun Davlat tibbiy sugʻurtasi jamgʻarmasi tomonidan qoplangan mablagʻlar toʻgʻrisidagi toʻliq maʼlumotlarni onlayn tarzda olishlari mumkin boʻldi.

Buning uchun "my.gov.uz" portaliga kirib, “Imtiyozli toifaga kiruvchi shaxsga elektron yoʻllanma asosida koʻrsatilgan tibbiy xizmatlar maʼlumoti”ni olish uchun soʻrov yuboriladi.

Shuningdek, ota-onalar uchun farzandlariga koʻrsatilgan tibbiy xizmatlar toʻgʻrisidagi maʼlumotlarni olish imkoniyati yaratildi.

Mazkur davlat xizmati bepul boʻlib, Davlat tibbiy sugʻurtasi jamgʻarmasi tomonidan koʻrsatiladi.

Xizmatdan foydalanish uchun quyidagi havola orqali oʻtish mumkin: https://my.gov.uz/uz/service/1008

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер