Foto: AP

AQSHning saylangan prezidenti Donald Tramp Yevropa Ittifoqi mamlakatlari Amerika energetika resurslarini sotib olishni boshlamasa, ularga tariflar kiritish bilan tahdid qildi.

“Men Yevropa Ittifoqiga aytdimki, ular AQSH bilan oʻzlarining katta kamomadini neft va gazimizni keng miqyosda xarid qilish orqali qoplashlari kerak. Aks holda, bu doimiy tariflarga olib keladi!” — deb yozdi siyosatchi “Truth Social” ijtimoiy tarmogʻida.

Tramp oʻzining birinchi muddatida poʻlat va alyuminiyga yangi tariflarni joriy qildi. 2022-yil oxirida Amerika Qoʻshma Shtatlari inflyatsiyaga qarshi qonun qabul qilganidan keyin Amerika va uning yevropalik hamkorlari oʻrtasida yana bir savdo urushi boshlandi. Bunga javoban Yevropa Ittifoqi Amerika tovarlariga bojlar joriy qildi.

Yevropa Ittifoqi Trampning proteksionistik siyosatga qaytishi va Yevropa Ittifoqi mahsulotlariga bojlarni yana oshirishidan xavotirda. U allaqachon Xitoydan keladigan tovarlarga 10 foiz boj qoʻshishga vaʼda bergan. Bundan tashqari, u 20-yanvardan boshlab, lavozimga kirishganidan soʻng, Meksika va Kanadadan barcha tovarlarga 25 foizlik tariflarni joriy etish toʻgʻrisidagi farmonni imzolashini aytdi.