Rossiya Mudofaa vazirligi rasmiysi Magomed Xandayev 61 yoshida kutilmaganda vafot etdi, deya xabar berdi Rossiya davlat idoralari. Xandayevning oʻlimi taniqli rus arboblari ishtirokidagi bir qator sirli voqealardan biri sanaladi.

U 2023-yil iyunidan buyon Rossiya Mudofaa vazirligining davlat ekspertizasi boʻlimi boshligʻi lavozimida ishlab kelayotgan edi. Xandayevning oʻlimi tafsilotlari, jumladan, sababi va qayerda sodir bo‘lgani oshkor etilmagan. Ayrim manbalarga koʻra, u oʻz uyida oʻlik holda topilgan.

Rossiyaning Dogʻiston Respublikasi Shamilskiy tumani rahbari Magomed Gasanov Xandayevning jasadi dafn etish uchun Maxachqalʼaga olib kelinganini tasdiqladi. U tugʻilib oʻsgan Genta qishlogʻida dafn etiladi.

Taxminlarga koʻra, Rossiya Mudofaa vazirligini ramziy “tozalash” boʻyicha keng koʻlamli saʼy-harakatlar olib bormoqda. Dogʻistonlik general oʻz ajali bilan oʻlmagan boʻlishi ham mumkin.

“Newsweek” nashrining Kremldagi manbasi prognoz qilishicha, yil oxirigacha departamentda yuzlab hibsga olishlar uchrashi mumkin. Bunga qarshi chiqqanlar bilan baxtsiz hodisalar ham sodir boʻlishi mumkin.

Avvalroq, Zelenskiy Baydendan Rossiyaga zarba berishga qoʻyilgan har qanday taqiqni olib tashlashni talab qilinayotgani haqida xabar bergan edik.