“GX-Style AT Plus” va “GX-Midnight AT” modifikatsiyasi uchun shartnomalarni faqat savdo.uzavtosanoat.uz orqali tuzish mumkin. Bu haqda kompaniya matbuot xizmati xabar berdi.

Shartnoma berish jarayoni 11-dekabr kuni soat 10:00 da boshlanadi. ”Telegram” bot hamda “UzAvtosavdo” ilovasi orqali esa navbatni kuzatish hamda mavjud avtomobillar haqida maʼlumot olish mumkin.

Kompaniyaning qayd etishicha, avvalgi kontraktatsiyada tuzilgan shartnomalar uchun belgilangan vaqtda toʻlovi amalga oshirilmagan hajmlar qayta kontraktatsiyaga qoʻyiladi.

Avtomobil xaridi uchun tuzilgan shartnomalar boʻyicha toʻlov 7 kun ichida amalga oshirilishi kerak. Savollar yuzasidan kompaniyaning +998 78−141−7777 raqami orqali maʼlumot olish mumkin.

Kompaniya 22-noyabr kuni “GX-Style AT Plus” va “GX-Midnight AT” uchun shartnoma tuzishi maʼlum qilingandi. Shu kuni, 10 soat ichida mazkur modellar uchun jami 55 494 ta shartnoma berilgan.