Bosh prokuratura huzuridagi Departamentining Buxoro tuman boʻlimi «Oʻzenergoinspeksiya» hududiy boshqarmasi va tuman ETK xodimlari hamkorligida oʻtkazilgan nazorat tadbirida elektr energiyasiga noqonuniy yoʻllar bilan ulangan fermer xoʻjaliklarini aniqladi.

Maʼlum boʻlishicha, Buxoro tumanida bir nechta fermer xoʻjaliklari 3,9 milliard soʻmlik elektr energiyasidan noqonuniy foydalangani aniqlandi.

Qayd etilishicha, «B.» MFY hududida faoliyat yurituvchi fermer xoʻjaliklari masʼul shaxslari quvvati 55 kVt boʻlgan suv nasosini tijorat maqsadida elektr tarmogʻiga oʻzboshimchalik bilan yashirincha ulab olgan va davlat hamda jamiyat manfaatiga katta miqdordagi zarar yetkazgan.

«Mazkur holat yuzasidan Jinoyat kodeksining 169-moddasi (oʻgʻrilik) bilan jinoyat ishi qoʻzgʻatilib, tergov harakatlari oʻtkazilmoqda», deyiladi xabarda.

Avvalroq, Toshkentda advokat 100 ming, sobiq prokuror 30 ming dollar pora bilan qoʻlga tushgandi.