Oʻzbekistondagi Islom sivilizatsiyasi markazi F. Halimov Germaniyaga xizmat safari jarayonida Berlin davlat kutubxonasida boʻldi. Kutubxona rahbariyati va ilmiy xodimlariga Oʻzbekistondagi Islom sivilizatsiyasi markazi haqida batafsil axborot berildi.

Uchrashuvda Berlin davlat kutubxonasi Sharq qoʻlyozmalari boʻlimi boshligʻi Kristof Rauh kutubxonada 10 mingdan ortiq arab, 3 mingga yaqin fors hamda 200 yuzga yaqin turkiy tilda bitilgan manbalar saqlanayotganini maʼlum qildi. Kutubxona tomonidan koʻplab manbalar raqamlashtirilib, ochiq elektron platformalarga joylanganini taʼkidladi.

Uchrashuv davomida chigʻatoy turkiysida bitilgan manbalar asl nusxalari bilan tanishtirilib, Markaz fondi uchun Alisher Navoiyning “Majolis un-nafois” va Zahiriddin Muhammad Boburning “Mubayyin” asarlarining elektron nusxalari taqdim qilindi.

Kristof Rauh islom dunyosiga tegishli koʻplab manbalarni tadqiq etish hamda kataloglashtirishga ehtiyoj mavjudligini bildirib, Markaz bilan mazkur yoʻnalishda hamkorlik qilishdan mamnunligini bildirdi.