Belarusda “Oʻzbek kino kunlari” boshlandi

17:02 24 Noyabr 2021 Madaniyat
407 0

Taniqli oʻzbek kinoijodkorlari delegatsiyasi Belarus Respublikasidagi «Listapad» XXVII xalqaro Minsk kinofestivalida ishtirok etmoqda. Bu haqda Kinematografiya agentligi Axborot xizmati maʼlum qildi.

Kuni kecha kinofestival doirasida “Oʻzbek kino kunlari” boshlandi. Dasturga koʻra, Gomel shahrida Kinematografiya agentligi buyurtmasiga binoan “Ezgu film” kinostudiyasi tomonidan suratga olingan kinorejissyor Jahongir Ahmedovning “Ilhaq” badiiy filmi namoyish etildi.

Shuningdek, film ijodkorlari Oʻzbekiston xalq artisti Dilorom Karimova, rejissyor Jahongir Ahmedov, Oʻzbekistonda xizmat koʻrsatgan artist Tohir Saidov, OAV vakillari va boshqalar bilan ijodiy uchrashuvlar tashkil qilindi.

“Ilhaq” badiiy filmi Ikkinchi jahon urushida qozonilgan gʻalabaning 75 yilligiga bagʻishlanib, unda 5 farzandini frontga joʻnatgan ayol Zulfiya aya taqdiri va kechinmalari aks ettirilgan.

Maʼlumot uchun, “Ilhaq” filmi 26-noyabrga qadar “Oktyabr”, “Kosmos”, «Vostok» i «Krasnaya zvezda» kabi kinoteatrlarda namoyish etiladi.

Eslatib oʻtamiz, kinofestival doirasida Kinematografiya agentligi buyurtmasiga binoan suratga olingan Muhammadali Iskandarov rejissyorligidagi “Men terrorchi emasman” filmi ham namoyish etilishi rejalashtirilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?