AQSH Eron futbol federatsiyasi rahbariga viza bermadi
Eron futbol federatsiyasi rahbari Mexdi Tojga Amerika Qoʻshma Shtatlariga kirish uchun viza berilmadi. Bu haqda Eronning “Total Fut” portali xabar tarqatdi.
5-dekabr kuni kelgusi yili Amerika Qoʻshma Shtatlari, Kanada va Meksikada boʻlib oʻtadigan futbol boʻyicha Jahon chempionatiga qurʼa tashlanadi. Ushbu marosimda Jahon chempionatiga yoʻllanma olgan mamlakatlarning futbol rahbarlari, bosh murabbiylari va faxriy futbolchilari ishtirok etishi koʻzda tutilgan edi. Ammo, Eron futbol federatsiyasi rahbari ushbu marosimda qatnashmaydigan boʻldi.
“Eron futbol federatsiyasi rahbari Mexdi Tojga Amerika viza bermadi. Eron delegatsiyasidan qurʼa tashlash marosimida terma jamoa bosh murabbiyi Amir Galenoiy, xalqaro aloqalar mutaxassisi Umid Jaloli va ijrochi direktor Maxdi Xorati ishtirok etadi”, deyiladi manba xabarda.
Oldinroq, fors matbuotida eronlik muxlislarning Amerikaga kirishi bilan bogʻliq muammo boʻlishi haqida maʼlumotlar paydo boʻlgandi.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Yaldo tuni: Yerliklar bugun eng uzun tun va eng qisqa kunga guvoh boʻladi
- Hokim yordamchisi kimga yordamchi?
- Toshkent shahrida Markaziy Osiyo davlatlari va Koreya Respublikasi parlamentlari rahbarlarining III yigʻilishi oʻz ishini boshladi
- Poytaxtga avtomobillar kirishiga hech qanday taqiq yoʻq — Toshkent shahar hokimligi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring