Ijtimoiy tarmoqlarda Angrenda koʻmir olib ketayotgan poyezd relsdan chiqib ketgani haqida xabar tarqaldi. Favqulodda vaziyatlar vazirligi maʼlumotga izoh berdi.

Maʼlumotlarga koʻra, voqea joriy yilning 19-dekabr kuni soat 05:03 da sodir boʻlgan. “Oʻzbekkoʻmir” OAJga qarashli “Angren” koʻmir konining 010-sonli teplovozi siqilgan havo yetishmasligi sababli qarovsiz qolib ketgan, boshqa bir 017-sonli teplovoz esa toʻqnashuv sodir boʻlgan oʻsha yoʻlda harakatlanayotgan edi.

Natijada 33 ta yuk vagonidan 20 ta vagon (14 ta yuk vagoni 010-sonli koʻmir tashuvchi va 6 ta boʻsh vagon 017-lokomotiv) relsdan chiqib ketgan va agʻdarilib ketgan.

Hodisa oqibatida 010-sonli teplovoz mashinisti va uning yordamchisi yengil tan jarohatlari oldi.

Hodisa oqibatlarini bartaraf etish uchun avtohalokatga 2 ta kran, 2 ta yuk koʻtaruvchi va 50 ta ishchi jalb qilingan. Yakunlash ishlari davom etmoqda.