Shri-Lanka poytaxti Kolombodagi sud zallarining birida advokat qiyofasida kelgan shaxs sudlanayotgan mahbusni otib oʻldirdi, deb xabar bermoqda “BBC” nashri.

Unga koʻra, 19-fevral kuni advokat qiyofasidagi qurollangan shaxs sud zali qorovullari hamda bir nafar politsiya xodimi yordamida binoga kirib borgan va kitob orasida yashirilgan toʻpponcha bilan bir qancha qotillikda gumonlanib sudlanayotgan shaxs Sanjiv Kumarani otib oʻldirgan.

“Ushbu qotillik bir-biriga qarama-qarshi boʻlgan jinoiy guruhlar tomonidan sodir etildi. Bu xunrezlik ular amalga oshirgan koʻplab qotilliklardan biri xolos. Biz ularni topamiz, mamlakatda jinoiy toʻdalar tashkil etilishiga yoʻl qoʻymaymiz”, — deydi Shri-Lanka hukumati rasmiylari.

Politsiyaning qoʻshimcha qilishicha, oʻldirilgan shaxs 2023-yilning sentyabr oyidan beri turli qotilliklarda gumonlanib hibsda saqlab kelinayotgan edi. U navbatdagi sud jarayonida 25 yoshli Pinpura Devage ismli ayol tomonidan otib oʻldirilganligi aniqlangan.

“Qurollangan shaxs qotillik sodir etib, voqea joyidan qochishga muvaffaq boʻldi, biroq koʻp oʻtmay politsiya tomonidan qoʻlga olindi. Unga yordam berganlar ham ushlangan. Ularning shaxsi aniqlanib hozirda tergov harakatlari boshlab yuborilgan”, — deyiladi rasmiylar bayonotida.