Illyustrativ foto

Joriy yilning 25-dekabr kuni “2026-yil uchun Oʻzbekiston Respublikasining Davlat byudjeti toʻgʻrisida”gi (OʻRQ–1105-son) Qonun qabul qilindi. Ushbu Qonunning maqsadi 2026-yil uchun Oʻzbekiston Respublikasining konsolidatsiyalashgan byudjetini shakllantirish va ijro etish bilan bogʻliq munosabatlarni tartibga solishdan iborat.

Qonunga koʻra, 1-darajali byudjet mablagʻlarini taqsimlovchilarga Oʻzbekiston Respublikasining respublika byudjetidan ushbu Qonunga muvofiq ajratiladigan byudjet mablagʻlaridan faqat 2026 moliya yili davomida foydalaniladi va ular kelgusi moliya yiliga oʻtkazilmaydi.

2026-yil uchun quyidagilar tasdiqlandi:

• mol-mulkni ijaraga beruvchi jismoniy va yuridik shaxslar uchun belgilangan ijara toʻlovining eng kam stavkalari;

• tovarlarning ayrim turlari bilan chakana savdo qilish huquqi uchun yigʻimlarning cheklangan stavkalari;

• chet davlatlar avtotransport vositalarining Oʻzbekiston hududiga kirganligi va uning hududi orqali tranziti uchun yigʻimlarning stavkalari.

2026-yil uchun Oʻzbekiston Respublikasi konsolidatsiyalashgan byudjeti taqchilligining cheklangan miqdori yalpi ichki mahsulotning 3 foizi miqdorida belgilandi.

Ushbu Qonun 2026-yil 1-yanvardan eʼtiboran kuchga kiradi.

Qonunning toʻliq matni bilan ushbu havola orqali tanishishingiz mumkin.