Toshkentda velosipedni mast holatda boshqarganlar jarimaga tortildi
Bu haqda Toshkent shahar IIBB maʼlum qildi.
Qayd etilishicha, 2021-yil 23-iyun kuni Sergeli tumani Yangi Sergeli koʻchasida Toshkent shahar IIBB YHXB yoʻl-patrul xizmati xodimi velosipedchi — 1983-yilda tugʻilgan Zinat M.ni toʻxtatdi. Tekshiruv davomida fuqaro mast ekanligi aniqlandi.
Shu kunning oʻzida Mirzo-Ulugʻbek tumanidagi Ziyolilar koʻchasida xizmat olib borgan YHXB YPX xodimlari yoʻl harakati ishtirokchilariga xalaqit berayotgan velosipedchiga eʼtibor qaratishdi. Velosipedchi 1974-yilda tugʻilgan Andrey K. mast ekanligi maʼlum boʻldi. Keyinroq Mustaqillik shox koʻchasida Toshkent shahar IIBB xodimlari 1970-yilda tugʻilgan Anri K.ni mast holatda velosiped boshqarayotganini aniqlashdi.
Yashnobod tumani Fargʻona yoʻlida YPX inspektorlari 1980-yilda tugʻilgan Yuriy I. mast holatda velosiped boshqarayotganini aniqlashdi. Barcha qoidabuzarlarga nisbatan maʼmuriy bayonnomalar rasmiylashtirildi. Mazkur yoʻnalishdagi ishlar davom etmoqda.
Tavsiya etamiz
Ko‘p o‘qilganlar
- Ehtiyojmand oilalarga elektr va gaz boʻyicha kompensatsiya beriladi
- Tanzila Narbayeva Parlamentlararo ittifoqning 150-yubiley assambleyasi Prezidenti etib saylandi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Bahodir Jalolov professional boksda ilk bor toʻliq 10 raund jang oʻtkazdi
- Toshkentda Parlament ayol aʼzolari forumining 39-sessiyasi boʻlib oʻtdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring