MTRK tizimidagi “Mahalla” telekanalidan soʻng “Oilaviy” telekanali ham koronavirusga qarshi targʻibotga ixtisoslashtirilgan telekanallar safiga qoʻshildi.

Joriy yilning 20-iyulidan eʼtiboran mamlakat aholisini, jumladan, olis aholi punktlarini raqamli signal bilan toʻliq qamrab oluvchi va dunyoning 24 davlatida sunʼiy yoʻldosh orqali namoyish etiladigan “OILAVIY” telekanalida har kuni soat 10.00dan boshlab “COVID-19: DOLZARB SAVOLLAR” dasturi toʻgʻridan-toʻgʻri efirga uzatila boshlandi. Malakali mutaxassislar, mutasaddilar hamda SSV Koronavirusga qarshi kurash shtabi aʼzolari jonli efirda bugunning dolzarb mavzusi – koronavirus pandemiyasi bilan bogʻliq istalgan savollarga bevosita javob beradi. Telegramdagi @mtrk_COVID_19 manziliga savol yoʻllash imkoni mavjud. Shuningdek, jonli efir paytida tomoshabinlar oʻzlarini qiziqtirgan savollar bilan 71-214-13-72, 71-214-14-40 telefon raqamlari orqali murojaat qilishi mumkin. Hech bir savol eʼtiborsiz qoldirilmaydi.

“Oilaviy” telekanali eʼlonlarini kuzatib boring, yangiliklar va zarur tafsilotlardan muntazam xabardor boʻling.